सप्तरिया भासामे
मध्य-पुर्बिया थारुसब नेपाल देशके पर्सा, बारा, रैातहट, सर्लाही,महोतरी, धनुषा, सिरहा, सप्तरी, उदयपुर, सुनसरी,मोरङ आ झापा जिललामे बसोवास कैररहल्छै। मध्य-पुर्बिया थारुसबके जनसंख्या लगभग २,६२,३०० छै।
भषाः येक्रोरके मातृभाषा थारु चियै।
पेशाः येक्रोरके मुख पेशा खेती चियै। कोई व्यपार करैछै। कोई सरकारी कार्यलयमे जागिर खाईछै। कोई राजनीति करैछै।
खानाः भात, रोटी, चुरा, माछ, मासु, दुध, दही, चना, मटर, दाईल, सब्जी, झुना, घोङही, काँखोर, मिठाई, फलफूल अैारो, अैारो।
पोशाकः मरदसब कमिज, धोती, गन्जी, लुङी, कट्टु, लङगैाटी, तोलिया, फेटा, जम्मासब पिन्हैछै। जलनासब कप्पा, सारी, चोलिया, सैयासब पिन्हैछै। महज आईकुल कोई, कोई सट, पेन्ट, भेस्ट, कोट, टाइ, हापेन्ट, कुर्ता, सुरुवाल, सल, स्कट भी पिनहैछै।
धरमः थारुसब मध्ये कोई हिन्दु धरममे बिश्वास करैछै। हिन्दु धरम मानेबलासब सुक्राईत, फागु, एकादशी, शंक्राईत, सिरवा पाबैन मानैछै। कोई बैाध्द धरममे बिश्वास करैछै। बुध्द धरम मानेबलासाब बुध्दके जनम दिवस भी मनाईछै। कोई ईसाई धरममे बिश्वास करैछै। ईसाइसब हप्तामे एक दिन संगति करैले चर्चमे जाईछै। ओकरैारके येशू ख्रीष्टके जनम दिवस २५ दिसेम्बरमे मनाईछै [एकरा ख्रीष्टमस कहैछै] आ ईस्टर यीशूके मिरतु आ मोईरके ३ दिनमे जीवित भेल उपलक्षमे मनाबैछै।
बिहाः अधिकांश थारुसब आफ्ने जाईतमे बिहा करैछै। थारुसब बाप दिसन आ महताईर दिसनके नजिकके नातेदार सँगे बिहाबारी नै करैछै। महज भैाजीके बहैनसँगे बिहाबारी करैले मिलैछै। पहिले पहिले गोलट परथाके चलन छेलै। यी चलनमे जकरा एकटा बेटा आ बेटी हैछेलै उ आपन बेटा आ बेटीके बिहा करैलै एकटा बेटा आ बेटी भेल परिवार खोजैछेलै। आपन बेटाके लागि ओकर बेटी सँगे बिहा कैरदैछेलै आ आपन बेटीके ओकर बेटा सँगे बिहा कैरदैछेलै। तखुनकाके समयमे छेरा आ छैारी बिहासे अगाडि एकदोसरके देखैले नैपाबैछेलै, आपन बाप-महताईरके बात सुइनके बिहा करैले परैछैलै। छैारा छैारीके बिहा बच्चेमे कैरदैछेलै। जकरा बेटीयेटा रहैछेलै ओकरैारके घर जमैया भी राखै छेलै। यी चलन अख्ने भी थारु समुदायमे छै।
ईसाई धरम मानेबला थारुसब भी आपन नजिकके नातेदारसँगे बिहा नै करैछै महज प्रभु येशूमे बिश्वास करेबला कुनो भी जाईतसँगे बिहा करैले पावैछै। प्रभु येशूमे बिश्वास नै करेबलासब सँगे बिहा नै करैछै। बिहा करैके लागि छैराके उमेर २१ बरष आ छैारीके उमेर २० बरष हैले परैछै। छैारा आ छैारी कुमार आ कुमारी हैले परैछै। छैारा आ छैारी, ओकरैारके बाप-महताईर आ ओकरैारके मण्डलीके पास्टरसब आ बिश्वासीसब देखासुनी करैछै। छैारा आ छैारी एकदोसरके देखैछै, बात करैछै, पसिन परैछै आ बिहा करैले तयार हैछै, ताब छैारा आ छैारीके बाप-महताईर आ ओकरैारके मण्डलीके पास्टरसब आ बिश्वासीसब राजी हैछै ताब मङनी [घरदेख] के लागि समय तोकैछै। छैारा आपन पास्टर, बिश्वासी आ करकुटुमके ल्याके छैारीके मङनी करैले जाईछै। मङनी छैारीके घरमे वा चर्चमे हैछै। मङनी भेलकेवाद पबितर बिहाके लागि समय तोकैछै। पास्टर छैारा आ छैारीके चर्चमे पबितर बिहा कैरदैछै। ताब वर आ कन्या सोनाके अैाठी, हार अैारैा अैारो गहना एक दोसरके दैछै। ताब पास्टर वर आ कन्याके घरवला आ घरवाली कैहके पिता परमेश्वर, पुत्रपरमेश्वर यीशू आ पवितर आत्मा के नाममे घोषणा करैछै आ कहैछै, “याह्याकारणसे जकरा परमेश्वर एकसाथ जोर्नेछै,ओकरा कुनो आदमी नै छुट्याओस्।"
बाल अर्पण [छटियार]: हिन्दु धरम मानेबला जलनासब जब बच्चा जल्माबैछै त, छ दिनमे बच्चाके छटियार करैछै। छटियारके दिन बच्चाके ममा बच्चाके केशमे पहिले छुरा लगाईछै ताब लैावा बच्चाके जल्मैातिया केश खैार्यादैछै, बच्चाके महताईरके नोह खाईट दैछै ताब बच्चा आ महताईर शुध्द भेल मानल जाईछै। कोई कोई बच्चाके मथमुरैन भि कराईछै।
महज जब ईसाई जल्ना बच्चा जल्माबै छै त, बाल अर्पण चर्चमे करैछै। बाल अर्पण कथिले करैले परैछै तकर बारेमे पास्टर परबचन दैछै। बच्बचा परमेश्चरके उपहार चियै। बच्चाके खियाबैले, पियाबैले, हुर्काबैले, उपचार कराबैले, शिक्षा दैलै बाप-महाताईरके जिम्मेवारी चियै। बच्चाके शारीरिक, मानसिक, बैाध्दिक आ आत्मिक बिरधिके लागि पास्टर परमेश्वरसँगे परथना कैरके बच्चाके परमेश्वरके हातमे समर्पण करैछै।
किरिया करमः कोई मोरैछै त, ओकर बेटासब मध्ये जेठ्का बेटा वा छोट्का बेटा उत्री बोकैछै आ किरियामे बैठैछै। शोक मनाबैके सन्दरभमे कोई तीन दिनमे, कोई दश दिनमे त कोई १३ दिनमे नोह, दारही, मोछ या केश कटाबैछै।
जब ईसाई मोरैछै त, ओकरैारके मोरल्छै नै कहैछै महज सुतल्छै कहैछै। कथिलेकि परभु यीशूके दोसर आगमनमे बिश्वासिसब फेनो जिबीत हेतै। ईसाई बिधीसे मरल आदमीके किरिया करम करैछै। येकरैारके मुर्दाके बाकसमे राखैछै आ माईट कोईरके बाकससहित मुर्दाके गाईर दैछै।
